Kiswahili Loop Community Guidelines

‍Miongozo ya Jamii ya Loop

‍

Mwisho Kubadilishwa: Aprili 2026

‍

Msingi wetu mkuu ni kwamba kuna faida kubwa kusikiliza maoni ya kila aina, na jambo hili linatusaidia kuleta mabadiliko makubwa. Kwa hivyo, tunamhimiza kila mtu kutoa sauti yake kwa njia salama, ya kusaidiana, na yenye heshima, huku tukithamini mawazo na uzoefu wa kila mmoja wetu. Huenda tusikubaliane kila wakati, lakini kutokubaliana kusiwe kisingizio cha utovu wa nidhamu au kukosekana kwa adabu. Unapokuwa ndani ya jamii ya Loop, jitahidi kuwa mkweli, mwenye kusaidia, na uwe na mtazamo mzuri.

‍

Daima chukulia kuwa wenzako wana nia njema. Elewa na utambue kuwa watu wanatumia njia tofauti kuwasiliana na wanaweza kukumbwa na vikwazo mbalimbali, kama vile kutotumia lugha yao ya asili, kutoka tamaduni tofauti, kuishi katika saa tofauti za dunia, au kutofahamu vizuri kanuni za mitandao.     
Mazungumzo yetu ndiyo yanayowapa picha wanachama wapya wanaojiunga na jamii ya Loop. Tusaidiane kujenga jamii hii kwa kuchagua kuingia kwenye mijadala yenye maana inayofanya jukwaa hili kuwa mahali pa kuvutia, na epuka ile isiyo na faida.

‍

Tafadhali tumia zana zilizopo ili kusaidia jamii ya Loop kutambua michango bora: sambaza kwa wengine, piga kura ya juu kwa maoni ya watu, jibu maoni, toa taarifa kwa Loop kuhusu jambo lolote linalokutia wasiwasi, au toa mapendekezo ya kuboresha tafsiri. Hii itatusaidia sote kufaidika zaidi na jukwaa hili.

‍

Ili kutengeneza mahali salama pa kusikiliza na kuongea, msimamizi hukagua kila maoni na majibu kabla hayajachapishwa mtandaoni. Ikiwa miongozo ya jamii haikufuatwa, msimamizi anaweza kukataa ujumbe huo. Ikiwa mhusika ameacha mawasiliano yake, msimamizi atamweleza sababu ya kukataliwa na kumpa maelekezo ya jinsi ya kurekebisha ili maoni uweze kuchapishwa vizuri.

‍

Sababu 5 Kuu Zinazofanya Maoni Usichapishwe

‍

1. Maoni ina lugha ya matusi, udhalilishaji, au ubaguzi Loop inalenga kuwahimiza watu kujiunga kwa usalama ili tusikilize sauti nyingi zaidi. Kwa hivyo, hatutaposti maoni au majibu yoyote yenye matusi au unyanyasaji. Hairuhusiwi kumnyanyasa mtu au kuchochea wengine wafanye hivyo. Hii inajumuisha kumtakia mtu mabaya, kumtukana, au kumshusha thamani. Pia inajumuisha maneno au utani wa kingono.

‍

2. Maoni au majibu haya hayafuati kanuni za jamii zilizowekwa ili kuhakikisha nafasi salama na ya wote Loop inaweza kusaidia kuboresha huduma ikiwa watu wengi kutoka asili tofauti watashiriki kutoa maoni, kujifunza, na kuongea. Tunahimiza mitazamo mipya isikilizwe kwa makini. Kuwa mfano wa kuigwa. Ujumbe wowote unaohamasisha chuki, vurugu, ugaidi, unyanyasaji, au kujiumiza hautapostiwa.

‍

• Chuki: Huruhusiwi kuchochea vurugu, kutishia, au kunyanyasa watu kwa misingi ya kabila, taifa, dini, jinsia, umri, ulemavu, lugha, hali ya kiuchumi, au mahali anapoishi. Kumshambulia mtu kwa sababu ya mawazo au imani yake au kutumia lugha ya kudharau pia haikubaliki.
• Vurugu: Huruhusiwi kutishia kufanya vurugu dhidi ya mtu au kikundi cha watu. Pia tunakataza kusifu vitendo vya kikatili.
• Ugaidi: Huruhusiwi kutishia au kuunga mkono vikundi vya kigaidi au msimamo mkali wa kikatili.
• Unyanyasaji: Hatuna uvumilivu kabisa kwa aina yoyote ya unyanyasaji, ikiwemo ule wa unyanyasaji wa kingono wa watoto.
• Kujiumiza: Huruhusiwi kuhamasisha au kumsukuma mtu kujiua au kujiumiza.

‍

^{Maoni au majibu yanayoonyesha mawazo ya kujiua au kujidhuru hayatabandikwa kwenye jukwaa la wazi. Badala yake, yatashughulikiwa kwa uangalifu. Meneja wa kesi atawasiliana na mtumiaji ili kutoa msaada na kuhakikisha usalama na ustawi wake}

‍

• Biashara haramu: Usitumie jukwaa hili kwa shughuli zinazovunja sheria.

‍

3. Shaka kuhusu ukweli wa maoni Loop inataka watu wazungumze kibinafsi mambo yaliyowatokea maishani, hata kama wanahadithia kile walichoambiwa na mtu mwingine. Hii inahakikisha kuwa kila ujumbe unawakilisha ukweli wa mtu. Aina hizi za ujumbe hazitapostiwa:

‍

• Kujifanya mtu mwingine: Huruhusiwi kutumia jina la mtu, kikundi, au shirika ambalo si lako ili kudanganya wengine.
• Ujumbe wa mashine (Spam): Loop haiwezi kutumika kwa lengo la kuvuruga maoni ya umma. Hii inajumuisha kuposti ujumbe mwingi wa uongo ili kuzuia watu wasishiriki.
• Ujumbe wa kutengenezwa na kompyuta: Huruhusiwi kutumia ujumbe iliyotengenezwa na mashine  ili kubadilisha maoni ya watu. Maoni unayoposti yanapaswa kuwa mambo ya kweli yaliyokutokea wewe mwenyewe na usimsemee mtu mwingine bila yeye mwenyewe kukupa ruhusa.
• Hakimiliki: Huruhusiwi kudai unawakilisha shirika au mtu bila ruhusa yao ya wazi.

‍

Maelezo ya ziada:

• Habari za uzushi (Fake news): Ni habari za kutungwa ili kuunga mkono ajenda fulani. Ni taarifa za uongo zinazotengenezwa ionekane kama ripoti ya habari ya kweli.
• Taarifa potofu (Misinformation): Ni habari zisizo sahihi zinazotolewa kama ukweli, iwe kwa bahati mbaya au kwa makusudi.
• Taarifa za upotoshaji (Disinformation): Ni habari ambazo zimepangwa kwa makusudi ziwe za uongo, kama vile takwimu za kutunga.

‍

Maelekezo ya jinsi ya kutambua habari za uzushi na taarifa za uongo yanapatikana hapa.

‍

 ^{Unaweza kutafsiri kurasa hizi kwa lugha yako kupitia mipangilio ya simu au kompyuta yako}

‍

‍4. Maoni yanayoweza kuleta madhara ukipostiwa hadharani Lengo la Loop ni kuhakikisha kuwa hakuna mtu au shirika linaloumia au kupata matatizo kwa sababu ya maoni yaliyopostiwa. Ujumbe hautapostiwa hadharani ikiwa kufanya hivyo kutahatarisha usalama wa mtu au shirika lolote. Ikiwa maoni ni ya siri au yana mambo mazito, hayatapostiwa wazi; badala yake, yatapelekwa kwa watu maalum ndani ya shirika linalohusika ili wayashughulikie kwa siri. Loop itawasiliana nawe ili kupata ruhusa yako na kukuelezea hatua zitakazofuata.

‍

• Ulinzi: Ikiwa kuposti ujumbe kunaweza kutishia usalama wa mtu (kama kumtambulisha kwa urahisi), ujumbe utarudishwa kwa mhusika ili aondoe sehemu hizo, au utapelekwa kwenye mfumo wa "Maoni ya Siri." Msimamizi wa Loop anaweza pia kuondoa jina la mtu na kuweka alama ya XXX ili kumlinda. Tafadhali tembelea ukurasa wetu wa msaada ili kupata maelezo zaidi kuhusu jinsi tunavyoshughulikia maoni nyeti

‍

 ^{Ukurasa huu kwa sasa unapatikana kwa Kiingereza pekee}

‍

• Tuhuma zisizothibitishwa: Ujumbe wenye madai makali yanayoweza kuleta hatari kwa mtu au shirika hautapostiwa wazi, bali utashughulikiwa kwa siri na kwa usalama zaidi.

‍

5. Maoni au majibu hauheshimu faragha ya wengine: Maoni na majibu zote  lazima ziheshimu haki ya watu kuwa na siri zao.

‍

• Taarifa binafsi: Huruhusiwi kuposti taarifa za siri za watu wengine (kama nambari za simu au anwani za nyumbani) bila ruhusa yao ya wazi.

‍

‍

Jinsi ya kutoa taarifa

‍

‍

‍Ikiwa unahisi maoni au majibu yaliyowekwa yanavunja kanuni zilizo juu, unaweza kuomba yondolewe. Bonyeza alama ya nukta tatu upande wa juu kulia wa maoni, chagua “omba kuondoa” na jaza fomu.

‍

Ili kulinda jamii yetu, Loop ina haki ya kuondoa ujumbe wowote au kufunga akaunti ya mtumiaji yeyote wakati wowote. Wasimamizi wanakagua ujumbe wote na kufanya kila wawezalo kuweka mahali hapa salama; hata hivyo, hatuwezi kubeba jukumu ya kila kitu kinachowekwa na watu wa jamii.

Tumetumia sheria na miongozo ya X na Mozilla kutayarisha sheria hizi. Tutaendelea kuziboresha na kuziweka sawa zaidi kadiri tunavyozidi kujifunza na kukua.

‍